青冰以前其實吾太喜歡法國，因為年輕時去過一次巴黎，感覺又污糟治安又麻麻，但之後來過幾次，都是在人生不同的階段，每次的感受也大有不同，拍拖時拉住個非常重的喼，心裡暗罵這裡的metro又臭又冇電梯，婚後重臨就主力搵好餐廳食飯，尤其南法是又平又好食，食完同自己講一定冇可能在香港再食囉，貴一倍以上但吾見得出色，今次再來就很累，推住架BB車服侍大老細，跑公園餵下羊睇農莊，食都係以方便為主，冇諗過壽司同crêperie都食咗幾次，冇計，最緊要都係佢吃得開心吃得飽。
三年前在大時代爆之前上機，直頭係懷著依依不捨的心情起行，唉都吾知會miss幾多機會，還記得到埗後每日五㸃起身睇半日市，靠戰友的updates每天的事而盡量拿㸃水腳，每日在酒店吃早餐都炒緊股票😂😂。之後終於爆了，隔住九千里外都feel到燶味，加上已經適應了這裡的時間，早起身愈來愈不可能，所以帶著這個幸運，在這段時間好少睇，反而揩少好多。
今次出發前都已經覺得個市吾掂，好難炒，所以盡量減倉，留下的全部是自己熟悉的股，但數量也全部只揸1/2 1/3，最多日後再覆卓囉，呢七天只是每天看兩次價，較輕鬆，戰友...
See More
Search